Información da Comisión de Persoal do 24-02-2016

Premendo no seguinte enlace podedes ver a nota informativa correspondente á Comisión de Persoal celebrada no día de onte (24-02-2016) no que ademais dos asuntos da orde do día, facilitouse a seguinte información:

·         Oposicións aos Corpos Xerais da Xunta de Galicia: Respecto dos exames de promoción interna e acceso libre, sinálase polo DXFP que comezarase pola promoción interna, prevéndose que o primeiro exercicio será no mes de maio. Posteriormente, no mes de xuño, tería lugar a realización dos primeiros exercicios de acceso libre.

·         Temarios das oposicións: Na vindeira semana daranse prazos concretos de cando estarán finalizados os temarios de veterinarios, demais corpos especiais, así como os da administración xeral, que está a elaborar Función Pública (a este respecto precisar que hai temarios que elabora a EGAP e outros que elabora Función Pública).

·         En relación có concurso xeral de traslado de funcionarios sinálase polo DXFP que, aínda que existen problemas informáticos que afectan á baremación, entenden que non debería causar demoras.

·         Respecto da Paga Adicional do ano 2013, dende Función Pública sinálase que non teñen coñecemento de que se vaia a aboar de oficio.

·         Adaptación de Estatutos de determinados entes instrumentais á Lofaxga: Os seguintes entes instrumentais están en fase de adaptación dos seus estatutos á LOFAXGA: Instituto Galego de Estatística, Instituto Galego de Consumo e AGADER.

·         Nas vindeiras reunións continuarase coas negociacións das Instrucións de funcionamento Tribunais de Selección e do Decreto de Listas.  O compromiso da DXFP, a instancias da CSI•F, é que para os vindeiros procesos selectivos serán xa de aplicación as novas instrucións de tribunais que, a expensas de rematar as negociacións, consideramos máis garantistas para os opositores e que limitarían en grande medida as posibilidades de actuación arbitraria con que veñen actuando determinados tribunais.

·         A pregunta da CSI•F sobre a reanudación da RPT de AGADIC, o DXFP informa que en breves datas continuaranse coas negociacións, tendo a previsión de que no prazo dun mes aproximadamente estea xa aprobada a nova RPT e publicada no DOG.

·         Dende CSI·F pediuse que na orde do día da seguinte Mesa Xeral de Negociación de Empregados Públicos se incluirá o o informe por parte da DXRRHH do SERGAS sobre o estado da modificación global da RPT da Consellería de Sanidade e, en concreto, respecto do compromiso de incremento do complemento específico dos FIS. Todo elo debido a que representante do SERGAS na Mesa Xeral non dispoñía de información ao respecto.

·         Tamén solicitouse dende CSI·F que na seguinte Mesa Xeral de Negociación de Empregados Públicos se incluíra un punto na orde do día para que o Director Xeral de Función Pública informase sobre o calendario para a adaptación á Lofaxga da totalidade dos entes instrumentais do sector público. A este respecto, dende a CSI•F denunciamos o incumprimento do goberno do disposto na Lofaxga e que tal incumprimento impide que os traballadores dos entes instrumentais que están aínda sen adaptar á Lofaxga se poidan beneficiar das Instrucións de Permisos, Licenzas e Vacacións.

NOTA INFORMATIVA