RESOLUCIÓN da CONSELLERÍA DE FACENDA do 25 de xuño de 2015,
da Dirección Xeral da Función Pública, pola que, de conformidade co disposto no
artigo 6 do Decreto 37/2006, do 2 de marzo, se acorda o peche e a apertura de
determinadas listas para a incorporación de novas solicitudes para a
contratación temporal de persoal laboral da Xunta de Galicia e o nomeamento de
persoal interino correspondente a determinados grupos, categorías, corpos e
escalas.
Pola que resolve
Abrir o prazo de
presentación de solicitudes para a elaboración de listas para o
desempeño transitorio de postos reservados a funcionarios do corpo de axudantes
de carácter facultativo,
subgrupo C1, escala de axentes facultativos
ambientais (código 207H), coas condicións establecidas no anexo.
Segundo.
Pechar o prazo para incorporación de novas solicitudes ás listas correspondentes
ao extinto corpo de auxiliares de carácter técnico, grupo C2, escala de axentes
forestais.
A Administración devolverá de oficio o importe ingresado en concepto de dereitos de inscrición na lista do corpo de auxiliares de carácter técnico, grupo C2, escala de axentes forestais, aos aspirantes que presentaron este ano a solicitude e aboaron as taxas correspondentes se realizaron o pagamento con certificado dixital ou DNI electrónico ou ben fixeron constar na súa solicitude o número de conta para estes efectos.
Para a devolución do importe ingresado este ano por aqueles aspirantes que non fixeron constar eses datos será necesaria a presentación dun escrito en que o/a interesado/a faga
constar o número de conta, a entidade bancaria e a localidade desta, ou dun certificado expedido pola entidade en que figuren eses datos. Esta documentación deberá ser presentada
ata o 1 de decembro de 2015.
Con carácter transitorio, en canto non estean operativas as listas do corpo de axudantes de carácter facultativo, subgrupo C1, escala de axentes facultativos ambientais, para a cobertura dos postos de traballo deste corpo acudirase ás listas do corpo de auxiliares de carácter técnico, grupo C2, escala de axentes forestais.
A selección realizarase por orde de prelación entre os aspirantes que posúan os requisitos daquela escala: titulación de técnico superior en xestión e organización dos recursos naturais e paisaxísticos ou titulación de técnico especialista equivalente, e estar en posesión ou en condicións de obter o permiso de conducir das modalidades A2 e B con autorización BTP.
Solicitudes
1. Os/as interesados/as en formar parte das listas correspondentes á escala de axentes
facultativos ambientais deberán presentar a instancia conforme o modelo que está á súa disposición na páxina web da Xunta de Galicia (www.xunta.es/funcion-publica), na epígrafe
«Listas de contratación», subepígrafe «Xeración de solicitudes».
O prazo para a presentación de instancias comezará o día seguinte ao da publicación desta resolución no Diario Oficial de Galicia e rematará o 31 de xullo de 2015, de acordo co establecido no artigo 6.1 do Decreto 37/2006.
Taxas
1. De conformidade coa Lei 6/2003, do 9 de decembro, de taxas, prezos e exencións reguladoras da Comunidade Autónoma de Galicia, o importe das taxas que hai que aboar
en concepto de dereitos de inscrición ascende a 16,98 euros.
Mais información no DOG Xoves, 2 de xullo de 2015
No hay comentarios:
Publicar un comentario