Este
ano e coincidindo co mes de novembro dentro das accións de sensibilización polo
Día Internacional contra a Violencia de Xénero dende CSIF Pontevedra queremos
facer fincapé na violencia de xénero na xuventude xa que é unha sinatura
pendente
O concepto "violencia de xénero" dá
nome a un problema, que ata hai pouco, formaba parte da vida privada das
persoas; era considerado un asunto de familia que non debía transcender de
portas para fóra e, polo tanto, no que non se debía intervir dende fora da
familia.
Entender a
violencia como un asunto privado forza ás mulleres a permanecer nunha situación
de subordinación respecto do home e implica asumir as relacións de poder
historicamente desiguais entre ambos e a través das cales se lexitima ao home a
manter o seu status-quo de dominación incluso a través da violencia.
Esta percepción
contribúe a que as mulleres non denuncien a súa situación por medo, vergoña ou
culpabilidade. A loita contra a violencia de xénero non pode prescindir das
accións de apoio aos cambios culturais, sobre todo, nos grupos de idades máis
novas, polo que ten que ver co enfoque de xénero e a sexualidade.
A adolescencia é
unha etapa de transición entre a infancia e a madurez que ten unha gran
relevancia na vida dun ser humano. As persoas xóvenes saen da contorna familiar
e empezan a establecer as pautas de relación co mundo que lle rodea.
É a época na que
o individuo empeza a construír o seu proxecto de vida. Polo tanto, o futuro dun
país depende de que ese proxecto estea elaborado no respecto aos Dereitos
Humanos e baseado no principio de igualdade entre homes e mulleres, que é o
tema que nos incumbe.
Segundo os
resultados de diferentes investigacións, a violencia de xénero está moito máis
presente nas relacións de parella entre mozos e mozas que entre persoas adultas, de ahí a urxencia
e importancia da intervención.
A pesar do dito,
esta tarefa entraña certas dificultades: por unha banda a que teñen os mozos
para identificar a violencia de xénero, o que implica, unha tendencia a
normalizala ou naturalizala (aceptación da agresión como patrón de conduta
normalizado e integrados nas relacións afectivas das persoas novas), e doutra
banda, a dificultade engadida como consecuencia da inexistencia no noso país de
programas específicos para agresores de xénero novos, que lles asistan para
identificar a violencia que exercen, responsabilizarse dela e traballar para
eliminala.
É fundamental
analizar como os mozos e as mozas conforman a súa identidade na escola e a
familia a través de modelos tradicionais sexistas. Ponse de manifesto o abismo
existente entre a igualdade formal
e a igualdade
real que existe
na escola, que
non só impide
percibir o verdadeiro grao de
desigualdade existente, senón que vela prácticas discriminatorias e reproduce
os estereotipos sexistas que se pretenden erradicar. Fai referencia a como as
mozas constrúen a súa identidade mediante a imitación das prácticas masculinas,
como rexeitamento á feminidade socialmente devaluada e como a multiplicidade
das situacións violentas de baixa intensidade levan a normalizar e minimizar a
violencia de xénero.Debemos de analizar a relación existente entre o sexismo e
a violencia en xeral e a súa superación entre as adolescentes e os adolescentes
levando a propor unha perspectiva integral da violencia baseada na igualdade e
o respecto dos Dereitos Humanos.Desde esta perspectiva daremos moita
importancia ás similitudes que hai entre a violencia de xénero e o acoso
escolar, propondo que para a súa prevención, se realicen programas que inclúan
o establecemento de relacións cooperativas e a construción explícita dun
currículum da non-violencia.
Debemos facer
fincapé en que os mitos do amor romántico, que tanta forza teñen a esta idade,
perxudican seriamente á igualdade, porque segue representando aos homes e ás
mulleres como seres diferentes, con roles opostos pero complementarios.
As mulleres son
educadas para o amor, para que desexen ser amadas por enriba de calquera cousa,
para que se lles meta na cabeza a idea de que soas non son nada. Aos homes en
cambio, mutílaselles emocionalmente para que non mostren os seus sentimentos en
público, para que gocen da súa liberdade e fuxan das mulleres ata que non lles
quede máis remedio que asentar a cabeza e formar unha familia.
O perigo deste
modelo romántico está nos homes que asumen os seus privilexios de xénero dentro
da parella e que someten ás súas compañeiras a diversas humillacións, tantos
físicas como verbais. O maltrato que soportan as mulleres é maior canto maior é
a dependencia afectiva e económica, e canto maior é a súa capacidade de
autosacrificio a favor da harmonía e felicidade do marido e os fillos.
Hoxe en día
vivimos nunha sociedade formalmente igualitaria, hai moitas políticas de
igualdade activas que fan os Estados, e parece unha sociedade comprometida co
tema da igualdade entre homes e mulleres, no obstante sabemos que os nenos e as
nenas, logo rapazas e rapaces, aprenden e interiorizan perfectamente que as
mulleres, en última instancia, están para servir os desexos e o proxecto de
vida dos homes.
Poida que
queiramos aceptar que vivimos nun mundo mediático desnaturalizado, pero, por
moral e por lei, todos e todas, temos que aceptar e defender a igualdade de
dereitos entre homes e mulleres, así como o dereito a non ser obxecto de
discriminación. A sociedade democrática, debe tomar nota de todo isto e
dotarse, ao igual que o resto de implicadas/os, de ferramentas eficaces para
poñer o seu gran de area e contribuír, decididamente, ao cambio da realidade
descrita.
No hay comentarios:
Publicar un comentario