Na mesa Xeral de Negociación de Empregados Públicos celebrada o día 6 de outubro de
2014, as catro centrais sindicais máis representativas (CSI•F, UGT, CC.OO e CIG)
opuxémonos conxuntamente a participar no proceso negociador que pretendía a Dirección
Xeral da Función Pública, coa única intención de facer da negociación un mero trámite
formal.
Así, os catro sindicatos esiximos a constitución de “mesas de traballo” onde a totalidade das
alegacións formuladas por cada un deles fose estudada e debatida unha a unha. Mesas de
traballo que finalmente foron aceptadas polo goberno e que darán comezo o próximo día 9 de
outubro.
No caso da CSI•F foron centos as alegacións formuladas a este anteproxecto de lei. Todas elas
razoadas e argumentadas, en moitos dos casos, con xurisprudencia. Por elo consideramos
necesario que todos os traballadores afectados pola futura Lei de Emprego Público coñezan
cal é motivo do goberno para non estimar as propostas formuladas polos seus representantes.
CSI•F, agradece ao goberno o cambio de talante e manifesta expresamente a súa vontade de
negociación e de acadar un consenso no texto final resultante da negociación, a fin de
conseguir que a Lei de Emprego Público sexa en realidade a lei dos e para os empregados
públicos galegos.
Non obstante, como xa advertimos na Mesa de Negociación, a posibilidade de acadar dito
consenso pasa inescusablemente, ademais das melloras que se introduzan no texto, por:
- A devolución integra da paga extraordinaria do ano 2012.
- Reposición do complemento autonómico das pagas extraordinarias.
- Recuperación do poder adquisitivo.
- Negociación dun novo modelo de Promoción Interna.
Por último, dende a CSI•F agradecémoslle ao goberno o cambio de talante na negociación do
anteproxecto de Lei do Empregado Público e esperamos que isto, lonxe de pretender ser unha
nova burla á negociación, supoña o inicio do recoñecemento do esforzo e sacrificio
realizado polos empregados públicos galegos nos últimos anos. Pois é de xustiza!!
No hay comentarios:
Publicar un comentario