O Servizo galego de saúde mantén aberto ata o 15 de outubro o prazo de
inscrición e actualización de méritos para a nova xeración de listas de
selección temporal
No último trimestre deste ano actualizaranse coa valoración dos novos
méritos dos/das aspirantes, as listas de selección temporal correspondentes a
28 categorías
Está previsto que no último trimestre deste ano se
proceda á actualización periódica de 28 listas de contratación vixentes,
correspondentes ás categorías de celador/a, cociñeiro/a, enfermeiro/a,
enfermeiro/a da Fundación Pública Urxencias Sanitarias 061/ enfermeiro/a
especialista en obstetricia e xinecoloxía, facultativo/a especialista de área
de Psicoloxía Clínica, farmacéutico/a de atención primaria, fisioterapeuta,
grupo auxiliar da función administrativa, logopeda, médico/a de familia,
médico/a de urxencias hospitalarias, pediatra de atención primaria, persoal de
servizos xerais, pinche, técnico/a superior e de grao medio en prevención de
riscos laborais, técnico/a en coidados auxiliares de enfermería, técnico/a en
farmacia, técnico/a superior en anatomía patolóxica e citoloxía, dietética e
nutrición, documentación sanitaria, hixiene bucodental, imaxe para o
diagnóstico, laboratorio de diagnóstico clínico, radioterapia, terapeuta ocupacional
e traballador/a social (DOG nº 136 de 18 de xullo de 2014).
De conformidade co vixente Pacto, o proceso de inscrición en listas ten
carácter aberto e permanente, sen a formalización de ningunha convocatoria
previa no Diario Oficial de Galicia.
O prazo para o rexistro en Fides/expedient-e de novas
solicitudes de inscrición, a modificación dunha anterior ou a presentación de
novos méritos para este proceso de actualización remata o día 15 de outubro. Todas aquelas
solicitudes ou méritos rexistrados electronicamente e presentados con
posterioridade a este prazo, serán tidos en conta no proceso de xeración
correspondente ao próximo ano.
A inscrición e actualización de méritos correspondente a estas categorías
deberá efectuarse consonte o procedemento indicado na Resolución da Dirección
Xeral de Recursos Humanos do Servizo Galego de Saúde, de data 12 de setembro de
2013 (Diario Oficial de Galicia, nº 181, do 23 de setembro).
No hay comentarios:
Publicar un comentario