|
A Xunta convocará no eido de servizos sociais 146 prazas para persoal laboral, o que permitirá
aumentar a estabilidade no emprego desta área e mellorar a prestación do
servizo.
Do total,70 prazas son na
categoría de auxiliar de enfermaría
e outras 76 nas categorías de camareiro-limpador e axudante de cociña. A previsión da
Xunta é convocar as oposicións antes do verán.
Por primeira vez dende 2003 a Administración galega
incluirá na oferta de emprego o servizo de prevención e extinción de incendios.
A Xunta convocará 124 prazas para
reforzar este servizo, das cales 94 serán
nas categorías de condutor de autobomba,
vixilante, emisorista, peón e peón condutor, e non exixirán titulación
específica. As outras 30 prazas son para persoal funcionario das
escalas de enxeñeiros de montes, enxeñeiros agrónomos, enxeñeiros técnicos
agrícolas e enxeñeiros técnicos forestais.
A previsión da Xunta é tamén convocar as oposicións
antes do verán, e os exames serán en todo caso despois da campaña de verán para
non interferir no dispositivo de loita contra os incendios da Xunta. Ademais, a
Xunta convocará por primeira vez na historia da autonomía 22 prazas de especialistas
en seguridade e saúde no traballo, incluídas prazas de especialista en
seguridade no traballo, en hixiene industrial e en ergonomía e psicosocioloxía
aplicada.
A Xunta ten a previsión de convocar estas oposicións a
finais deste 2016 ou principios do vindeiro ano. Finalmente, no eido da
Administración xeral ofertaranse outras
40 prazas no corpo de xestión (A2),
no corpo auxiliar (C2) e na agrupación
profesional do persoal funcionario subalterno.
E a Xunta ofertará outras 116 prazas de promoción
interna, o que permitirá aos empregados públicos acceder a un posto de
maior categoría sempre que reúnan os requisitos e superen o correspondente
proceso selectivo. Dentro delas, 16
prazas serán nas escalas de informática (A1 e A2), e as outras 100 para os corpos superior (A1),
administrativo (A2) e auxiliar (C2) da Administración xeral. A Xunta
convocará nas próximas datas a mesa de negociación sindical para trasladar a
oferta de emprego público no eido da Administración xeral.
Ademais, celebrará mañá a reunión do Consello Asesor
para a integración da discapacidade na función pública, para debater a oferta
coas organizacións sindicais e asociacións representativas do sector.
No hay comentarios:
Publicar un comentario